კონსულტაციისა და ტრენინგის ცენტრი (CTC) აცხადებს ადვოკატირების საგრანტო კონკურსს კახეთის რეგიონში მოქმედი სამოქალაქო საზოგადოების ორგანიზაციებისთვის.
კონკურსის მიზანია, ადგილობრივი ორგანიზაციების გააქტიურება სხვადასხვა მუნიციპალური მომსახურების ხელმისაწვდომობის/ხარისხის გაუმჯობესებაში, კონკრეტული პრობლემის აქტუალიზაციით, შესაბამისი მუნიციპალიტეტისთვის გადაჭრის გზების შეთავაზებით, საკითხის მიმართ საზოგადოებრივი ცნობიერების ფორმირებითა და საზოგადოების მხარდაჭერის მოპოვებით.
კონკურსის ფარგლებში გაიცემა 16 გრანტი. თითოეული გრანტის მინიმალური მოცულობაა 1 500 (ათას ხუთასი), ხოლო მაქსიმალური – 2 000 (ორი ათასი) ევროს ექვივალენტი ლარში. საგრანტო კონკურსის შესახებ მეტი ინფორმაციის მისაღებად 2021 წლის 6 იანვარს, ოთხშაბათს, 13:00 საათზე გაიმართება ვებინარი პლატფორმა „ზუმის“ (zoom.us) გამოყენებით. ვებინარზე დასასწრებად ეწვიეთ ბმულს: https://us02web.zoom.us/j/
განაცხადების მიღების ბოლო ვადაა 15 იანვარი, 2021 წელი.
საგრანტო კონკურსის შესახებ დეტალური ინფორმაციისთვის იხილეთ თანდართული დოკუმენტი.
აქვე გიზიარებთ ორ საინფორმაციო ვიდეოს ადვოკატირების ინიციატივების დაგეგმვისთვის:
საკონტაქტო პირი: სალომე სიჭინავა კონსულტაციის და ტრენინგის ცენტრი, პროექტის კოორდინატორი მობ.: +995 598 39 88 81 ვებ-გვერდი: ctc.org.ge