პროგრამის მიზანია მაღალი მოქალაქეობრივი შეგნების, სამოქალაქო პროცესებში ჩართული ახალგაზრდების აღზრდა. პროგრამა ითვალისწინებს ტექნოლოგიების დანერგვას სამოქალაქო განათლების სწავლა-სწავლების პროცესში, სკოლაში დემოკრატიული კულტურის განვითარების ხელშეწყობას, ბიზნესისა და სკოლების დაკავშირებას.

კახეთის რეგიონიდან პროექტში 56 სკოლა მიიღებს მონაწილეობას და 5 წლის მანძილზე არაერთ საგანმანათლებლო ღონისძიებასა და პროექტს განახორციელებს.

24 მაისს აღნიშნული პროექტის ფარგლებში USAID- ის დემოკრატიის, ადამიანის უფლებებისა და განათლების მიმართულების დირექტორი ლეა კაპლანი, საქართველოს ოფისის წარმომადგენლები და PH International – საქართველოს თანამშრომლები „მედია ცენტრი კახეთის“ ოფისში სამოქალაქო განათლების პედაგოგოებსა და მოსწავლეებს შეხვდნენ.

შეხვედრაზე ხაზი გაესვა სკოლებში სამოქალაქო განათლების მნიშვნელობას და ახალგაზრდების ჩართულობას ადგილობრივი თემისათვის მნიშვნელოვანი საკითხების გადასაჭრელად.